Nêçîrvan Barzanî serokwezîrê Herêma Kurdistanê, roja 20.02.2017ê li bajarê Hewlêrê, digel senator Robert Korker serokê komîteya têkeliyên derve li Senata Amerîkayê û şandeya pê re kir û rol û mêrxasiya xelk, hikûmet û pêşmergeyê Kurdistanê di warê parastina deverê ji êrîş û gefên terorê û pêşwazî û hewandina hjmareke gelek zêde ya koçber û penaberên destê terorê bilind hate nirxandin û tekîd li ser wê yekê hat kirin ku Amerîka dê li ser alîkarîkirina Herêma Kurdistanê berdewam be.

di civînê de ku, Qubad Talebanî cîgirê serokwezîr amade bû, Rober Korker di axavtina xwe de hevahengiya navbera arteşa Îraqa federal û Pêşmergeyê Kurdistanê di operasyona azadkirina Mûsilê û derdûra wê de bilind nirxand û got ku pêwîste ew hevahengî di warên din jî de hebe û Herêma Kurdiatnê di pêvejoya aştya sertaserî Îraqê de rola xwe bilîze û piştevnaiya welatê xwe ji bo çareserkirina hemû pirsgirêkên hilawîstiyên navbera Hewlêr û Bexdayê de nîşan da.


Nêçîrvan Barzanî sipasiya piştgirî û alîkariyên Hevpeymana Navdewletiya dijî DAÎŞ û bi taybetî Amerîkayê bo Herêma Kurdistanê kir ku wê piştgiriyê û wan alîkariyan roleke mezin di têkşikandina êrîş û gefên terorîstên DAÎŞ de hebû. Serokwezîr behsa qorbaniyên xelk, hikûmet û pêşmergeyê Kurdistanê di rûbirûbûna terorê û pêşwazî û hewandina koçber û penaberên destê terorê kir û diyar kir ku, kirîza êkonomî barê hikûmeta Herêma Kurdistanê gelek girantir kiriye.

Barzanî ji şandeya mêvan re got ku di warê leşkerî de hevahengiyek baş di navbera Hewlêr û Bexdayê de heye, lê di warên din ti pêşkeftin çênebûne û eşkere kir ku hikûmeta Herêma Kurdisanê amadeye hemû pirsgirêkan bi rêya diyalog û danûstandinan bi Bexdayê re çareser bike.

Serokwezîrê Kurdistanê got ku xelkê Herêma Kurdistanê û hemû pêkhateyên din yên Îraqê mafê wan heye ji paşeroja xwe dilrehet û piştrast bin û ji bona vê yekê jî parelel digel operasyonên leşkerî, pilaneke aştiya niştimanî hebe ku heta niha li Bexdayê behsa vê pirsê nehatiye kirin.