Kurdên li navçeya Xûrmatuya Selahedînê ji ber metirsiya gefên li ser jiyana wan malên xwe diterikînin.
Kurdên ku li Xûrmatu dimînin îdîa dikin ku milîsên Heşdê Şebî gefan li wan dixwin û dixwazin ku ew ji Xûrmatuyê derkevin. Kurd jî ji ber ku li ser jiyana wan xetere çêbûye mal û milkên xwe berdidin û direvin.
Remezan Hemîd Caf ku kurdekî Xûrmatu ye, bo çapemeniyê ragihand ku milîsên Heşdê Şebî bi telefonê li wan digerin û gefan li wan dixwin. Kesên xwediyê vê îdîayê dibêje: Bi telefonê li me digerin û dibêjin heta hefteyekê ji Xûrmatu derkevin. Heke na em ê we bikujin, mal û milkê we jî bişewitînin. Kesên ku heta hefteyekê ji Xûrmat derneketin deriyê mala wan tê boyaxkirin.”
Caf wiha dirêjiyê dide axaftina xwe: Ji ber gefên Heşdê Şebî hinek malbat neçar man û dev ji mal, milk û welatê xwe berdan. Lê ew kesên ku gefan li me dixwin bila baş bizanibin ku em ji Xûrmatu dernakevin û em ê her li welatê xwe bimînin.”