Li wîlayeta Quebec a Kanadayê li hember mizgeftekî êrîşekî çekdarî pêk hat 3u di encamê de herî kêm 5 kesan jiyana xwe ji dest da.

Li paytexta wîlayeta Quebecê, Quebec Cityê di dema nimêja esrê de 3 çekdarên nenas bi çek êrîş birin ser Navenda Çandî ya Îslamîya Quebec Cityê.

Li gorî şahidên bûyerê di mizgeftê de herî kêm 40 kes hebûne û li ser nimêjê bûne.

Hate gotin, ku di encama êrîşê de herî kêm 5 kes hatine kuştin. Tê gumankirin hejmara miriyan zêdetir be.

Piştî bûyerê hejmareke zêde yê ambûlansan gihiştin Navenda Çandî ya Îslamîya Quebec Cityê.

Polîsên Kanadayê daxuyandin, ku derbarê bûyerê de 2 kes hatine binçavkirin.

Rudaw