Hate gotin ku Wezareta Derve ya Amerîkayê, Encûmena Nîştmanî ya Kurd li Sûriyê vediwîne Waşingtonê.
Serokê Komîteya Pêwendiyên Derve yê ENKSê Kamîran Haco raghand, Wezareta Derve ya Amerîkayê ENKS vexwendiye Waşingtonê û tê çaverêkirin di meha bê de şandeka wan serdana Amerîkayê bike.
Kamîran Haco herwiha got, ew dê ligel berpirsên Amerîkayê li ser helwesta îdareya nû ya Waşingtonê ya derbarê rewşa Sûriyê û Rojavayê Kurdistanê de biaxivin.
Haco da zanîn, ku mijara pêşmergeyên başûrê rojavayê Kurdistanê dê rojeveke sereke ya civînên wan a ligel berpirsên amerîkî be.
Ev yek di demekê de ye, ku Serokê ENKSê Îbrahîm Biro li Astanaya paytexta Kazaxistanê beşdarê danûstaninên navbera dijberê û hikûmeta Sûriyê bibû.