Serokê civata qeza Tilkêfê diyar kir, bêhtir ji 700 kesên Tilkêfê vegeriyane ser mal û milkên xwe. Herwaha diyar kir naha 3 hezar kes li Tilkêfê jiyan dikin û ti metirsiyek li ser deverê nemaye û jiyan li Tilkêfe ber bi asayî bûnê ve diçe, gelek dukan jî li deverê hatine vekirin.

Serokê civata qeza Tilkêfê Ebdulselam Şeban ji BasNewsê re ragehand: ‘’Li gel vegera koçberan em kar dikin projeya av û kareba ango elektrîkê li deverê bicîh bînin bi fermî me daxwaz kiriye rêxistinên alîkariyê yên welata bikin, ew kesên ku zivirîne ser mal û milkên xwe alîkarî ji wan re bê kirin û roj bi roj xelk dê bizivre Tilkêfê ser malên xwe, terorîstên DAIŞê xaniyên wan hemwelatiyan hemûyan talan û wêran kirine. Em kar dikin peyvendiyên jiyanî dabîn bikin bo zivirandina hemû hemwelatiyan.’’

Herwaha got: ‘’Hîn koçberên Telsiqofê ser Tilkêfê ve ne zivirîne ser mal û milkên xwe. Em naha kar ji bo wan jî dikin tiştên nav malê û xizmetkariyê dabîn bikin, ji ber ew jî dê bizivrin deverê.’’

Basnews