Sefîn Dizeyî peyvdarê hikûmeta Herêma Kurdistanê di daxuyaniyekê de ji malpera fermiya hikûmeta Herêma Kurdistanê re got:


- Çend parlamenterên kurd li parlamentoya Îraqê ragehandiye ku, di civînekê de, birêz Heyder Ebadî serokwezîrê Îraqê ji wan re gotiye ku hikûmeta Herêma Kudistanê milyonek û sêsedhezar bermîlên neftê rojane ji bo derve dişîne.

- Em nizanin eger ew parlamenter bibin berdefkê serokwezîrê Îraqê, lê me, ne bi awayekî fermî û ne jî bi nefermî, nebihîstiye ku birêz Ebadî ew axavtin kirine. Hijmara rasteqîne ya hinaredkirina nefta Herêma Kurdistanê ew hijmarin ku wezareta samanên xwezayî ya Herêma Kurdistanê bi awayê raport diweşîne û wan hijmaran ji kompaniyên berhemanîna neftê werdigire.


Di dawiya daxuyaniya xwe de Dizeyî got:

- Ew parlamenter, yan em bêjin ew berdefkên serokwezîrê Îraqê, baştir bû, beriya xwe nîşan bidin û jiberxwe daxuyaniyên bêbingeh û bêserûber yên bi wî awayî bidin, pirsiyarekê ji aliyên peywendîdarên wezareta samanên xwezayî bikin daku hijmarên rasteqîne yên hinardekirina nefa Herêma Kurdistanê bi destbixin.

Rudaw