Biryar e îro nîvro Serokomarê Fransayê François Hollande bigihîje Hewlêrê û li Firokexaneya Navdewletî ya Hewlêrê ji aliyê Serokê Herêma Kurdistanê Mesûd Barzanî ve were pêşwazîkirin.

Berî gihîştina Serokomarê Fransayê François Hollande, beşek ji kolanên Hewlêrê bi alên Kurdistan û Frensa hatine xemilandin.

Peyamnêrê Rûdaw li Hewlêrê Senger Ebdurahman ragihand ku François Hollande îro digihê Hewlêrê û ji aliyê berpirsên Kurdistanê ve tê pêşwazîkirin.

Peyamnerê me diyar kir ku hinek kolanên Hewlêrê nêzîkî firokexaneyê alên Kurdistanê û Fransayê hatine daleqandin weke pêşwaziyekê li Serokomarê Fransayê.

Hollande weke yekem serokê welatekî biyanî roja 12 Îlona sala 2014an seredana Hewlêrê kir û ji wê demê ve Fransa alîkariya serbazî pêşkêşî Hêzên Pêşmergeyên Kurdistanê dike.

Seredana îro ya Hollande dibe duyemîn seredana wî serokî û ji bilî civîna li gel Mesûd Barzanî, ewê seredana bereyên şer jî bike.

Serokê Herêma Kurdistanê Mesûd Barzanî herî dawî di Sibata 2015an de serdana Fransayê kiribû û bi Serokomarê Fransayê François Hollande civiya bû.

Rudaw