Piştî wan rûniştinên di navbera aliyên siyasî yên herêma Kurdistanê li ser pêşneyara serokê herêma Kurdistanê pêkhatin, li gor gotinên parlamenterekî PDKê biryare di çend rojên pêş de gereke din a rûniştina destpê bike.

Endamê parlamentoya Kurdistanê yê PDKê Şiwan Şêx Ehmed îro 26.12.2016ê ragehand: ‘’Li ser pêşneyara serokê herêma Kurdistanê ku danîbû pêş aliyên siyasî, gereke din a rûniştinan di navbera wan aliyan de destpê kiriye û gazindên xwe ji hev re kirine.’’

Di wê daxuyaniyê de ku peyamnêrê BasNewsê jî amade bû Şiwan Şêx Ehmed got: ‘’Bi destpêkirina wan rûniştinan ve cemidandinên di navbera aliyên siyasî de heliyan û şerê di navbera saziyên çapemeniyê de hinekê bi dawî bû û naha hêviya çareseriyê di xelkê de ava bûye.’’

Di beşek din ên axaftina xwe de got: ‘’PDKê bê merc dest bi civînan kiriye û merc ji kesekê re jî em qebûl nakin û di sala nû de bi destpêkeke nû ve cîvîn li ser pirsên; çalak kirina parlamentoya Kurdistanê û serokatiya parlamentoyê û serokatiya herêma Kurdistanê bi awayê zelalkirin û çareserkirinê gotûbêj li ser tê kirin û ew pirsgirêkên hatine cemidandin dê neyên hiştin.’’

basnews