Gotûbêjê Tevgera îslamî ya Kurdistanê aşkera kir, wek qonaxa yekem egerê hilweşandina her sê desteyên serokatiyê, erkê serokê parlamentoyê dê bê hilweşandin û Tevgera Gorran jî amadebûna xwe nîşan daye.

Îro 19.12.2016ê şandeya PDKê serdana bajarê Silêmaniyê dike û piştî civîna li gel YNKê û Gorran, dê li gel Tevgera îslamî jî bicive û gotûbêjê Tevgera îslamî Ebdula Wertî ji BasNewsê re ragehand: ‘’Îro şandeya PDKê serdana polîtburoya Tevgera îslamiya Kurdistanê jî dikin, me jî hin xal û têbinî amade kirine û li gor me bi vê rêyê ve çareseriya krîza li herêma Kurdistanê dikare bê derbas kirin û hêzên siyasî jî dikarin rêkeftinekê li ser pêkbînin bo derbaskirina nakokiyan.’’

Ebdula Wertî got: ‘’Emê gotinên xwe bi aşkerayî ji PDKê bikin. Ji bo berjewendiyên netewî divê hemû alî rêkbikevin. Li gor me peyama Barzanî deriyeke başe û pêşneyarekî guncawe, ku pirsgirêkên herêma Kurdistanê çareser bibin û bibe bingehek bo gotûbêjên aliyan.’’

Herwaha diyar kir, Gorran pêşwazî li peyama Barzanî û şandeya PDKê dike. biryare axaftin li ser pirsa hilweşandina her sê erkên siyasî bê kirin, divê ew pirsgirêk bi gotûbêjan bê çareser kirin û eger îradeyek bihêz hebe, ne giringe kîjan deste di destpêkê de tê hilweşandin.’’

Li gor zanyariyên BasNewsê desteya serokatiya parlamentoyê wek qonaxa yekem wê bê hilweşandin û Ebdula Wertî dibêje: ‘’Hemû biryar divê bi rêya parlamentoyê ve bên girtin û hemû gohertin jî divê bi rêya parlamentoyê ve bên kirin.’’

Basnews