Wezareta pêşmerge bi tundî bersifa parlementera Goranê da
Piştî ku parlementera Goranê ya li parlementoya Îraqê Sirwe Ebdulwahêd sexîf ji hêzên pêşmerge û jinên peşmergeyên şehîd kir, duh raya giştî ya Kurdistanê bi tundî dilgiranî û acizbûna xwe diyar kir û bi tundî ew gotinên han mehkûm kir.
Her di vê çarçoveyê de jî wezareta pêşmerge ya hikûmeta Kurdistanê eşkere kir ku ew gotinên han bi ti awayî nayên qebûlkirin û lazime goran li ser wan sexîfan îzahatan bide gelê Kurdistanê.
Wezareta pêşmerge herwiha eşkere kiriye ku her kesek ku gotinên bi vê rengî bike di çi ast û pileyekî de bi ti hesane û parêzbendiyek jê re namîne.
Wezareta pêşmerge herwiha diyar kiriye ku pêşmerge bi xwîna xwe berevaniya şeref û kerameta gelê Kurdistanê û berevaniya ax û serweriya Kurdistanê dike û ti kesek jî mafê vê yekê nîne ku li ser navê parlementerbûnê sînorên birêzî derbas bike.
