Roja şemî 03.12.2016 li Selaheddîn birêz Mesûd Barzanî Serokê Herêma Kurdistanê pêşwaziya Rory Stewart Wezîrê Dewletê yê Karubarê Pêşxistina Navdewletiya Brîtanya û şandekî li gel kir ku ji Frank Beykir Balyoz û hejmarek ji berpirs û Şêwirmendên Balyozxaneya Brîtanya li Iraqê pêkhatibû.

Li hevdîtinê de, Wezîrê Dewletê yê Karubarê Pêşxistina Navdewletiya Brîtanya, pesnê Herêma Kurdistanê û hêzên Pêşmerge ya wan serkeftinên li şerê dijî terorê de bi dest aniye kir. Her wiha parastina lêborînî û pêkvejiyanê û hevkarîkirina xelkê koçber, ku li encama şer hatine Herêma Kurdistanê kir û ji bo jiyana wan bûye baştirîn penageha hêminî û aramiyê.

Li beşeke dinê hevdîtinê de, behsa hengavên piştî azadkirina navçeyên bin desthilata Da'îş li Mûsil û dewrûbera wê kirin, bi taybetî li ruyê hevkarî kirina koçberan û proseya avadankirin û pêşxistina şiyanên mirovan li wan navçeyan da.

Her li vê civînê de şanda Brîtanya Serok Barzanî ji siyaset û nêrîna Brîtanya ya di derbarê paşaroja Mûsil û qonaxa piştî Da'îş û dabînkirina aramiyê li parêzgeha Nînowa agahdar kir û daxwaz ji Serok Barzanî kirin ku nêrîn û pêşniyarên xwe yên li vî derbarî de bixe rû.

Ji aliyê xwe ve Serok Barzanî ji bilî balkişandina bi pêwîstiya dilniyakirina pêkhatên parêzgeha Nînowa ji paşaroj û çarenûsa wan, siyaseta Herêma Kurdistanê ya li ser qonaxa piştî Da'îş ji bo şanda mîhvan şîrove kir.