Roja şemî 03.12.2016 li Selahedîn birêz Mesûd Barzanî Serokê Herêma Kurdistanê pêşwaziya Brett McGurk Nûnerê Taybetî yê Serok Obama yê Hevpeymaniya Şerê Dijî Da'îş û şandekî li gel kir ku ji Douglas Silliman Balyozê Amerîka li Iraq û Ken Gross Konsolê Amerîka li Hewlêr û hejmarek ji şêwirmendan pêkhatibû.

Li hevdîtinê de Nûnerê Taybetî yê Serok Obama yê Hevpeymaniya Şerê Dijî Da'îş, spas û pêzanînên Amerîkayê ji bo qurbanîdana hêzên Pêşmerge û serkirdayetîkirina şer û destpêşxeriyên Serok Barzanî dûpat kir û ji bo serkirdayetîkirina şerê têkşikandina terorîstên Da'îş destxweşiyê li Serok Barzanî kir û pîrozbahiya serkeftinên vê dawiyê yên Pêşmergeyên qehremanên Kurdistanê kir.

Her li vê hevdîtinê de behsa berev pêşveçûnên operasyona azadkirina Musilê kirin û rewşa meydanî ya bereyên şerê terorîstan li parêzgeha Nînowa nirxandin û Nûnerê Serok Obama xweşhaliya xwe bi wê hemahengî û hevkariya bi hêz ya di navbera hêzên Pêşmerge û artêşa Iraqê xisterû ku li çarçêweya operasyona azadkirina Musilê da pêkhatiye û ragihand ku eve berhema pêşniyar û nêrînên Serok Barzanî bûye û ji bo wê yekê jî bûye hewêna serkeftina operasyonê.

Li beşekî dinê hevdîtinê de ronahî xiste li ser rewşa siyasî û pêşhatên dawî ya navçeyê û tekez li ser hemahengî û şêwirîna berdewamiya her dû aliyan kirin.