Hikûmeta Herêma Kurdistanê terorkirina melayekî Hewlêrê ji aliyê çekdarên nenas ve bi tundî şermezar kir û ragihand, dezgehên ewlehiyê bo girtina tawanbarên wê bûyerê hatine erkdarkirin.

Hikûmeta Kurdistanê di daxuyaniyekê de terorkirina melayê mizgefta Omer Bindiyan a bajarê Hewlêrê mamosta Wişyar Îsmaîl bi tundî şermezar kir.

Di daxuyaniyê de hatiye gotin ku dezgehên ewlehiyê bo zûtir dîtin û girtina qatilên wî melayî hatine erkdarkirin.

Hikûmeta Kurdistanê diyar kiriye ku kuştina wî melayî, “bizdonektî ye û qesta wê derizandina yekrêziya civaka Kurdistanê ye”.

Basnews