Parêzgarê Kerkûkê Necmedîn Kerîm ragihand, Bexda ti pereyan naşîne û çûna bo Bexdayê jî pirsgirêkan çareser nake. Kerîm got: “Min danûstandin ligel Bexdayê kiriye û dizanim çareserkirina pirsgirêkan li Herêma Kurdistanê baştire, ji vegerandina ji Bexdayê re.”

Parêzgarê Kerkûkê di panelêkê de li Washingtonê derbarê pêkvejiyanê li Kerkûkê û Mûsilê piştî DAIŞê de amaje kir ku, bi dirêjehiya îsal ti bûdçeyek ji Bexdayê ve negihêştiye Kerkûkê.

Derbarê serdana Serokê Herêma Kurdistanê Masûd Barzanî bo Bexdayê û hevdîtina ligel Serokwezîrê Iraqê Heyder Ebadî de, Kerîm got: “Serok Barzanî ligel Ebadî pirsa serxwebûnê behs kiriye û Amerîka jî pêşwazî li wê serdana Barzanî bo Bexdayê kiriye.”

Basnews