Serokwezîr Barzanî: Tê çaverêkirin gelek kes ji Mûsilê koçberî Kurdistanê bibin
Malpera fermî ya Hikûmeta Herêma Kurdistanê da zanîn ku Serokwezîr Nêçîrvan Barzanî îro pêşwazî li komek parlamenterên Brîtanî kiriye û bi wan re hevdîtin pêk aniye.
LI gorî nûçeya malperê, parlamenterên Brîtanî pesnê gelê Kurdistanê û Pêşmerge dane ku bi fedakarî û mêrxasî şerê terorê dikin û hejmarek mezin a koçberan jî dihewînin.
Hat gotin ku wan endamên parlamentoya Brîtanya behsa aramiya li Herêma Kurdistanê kirne û tekez kirine ku peywendiyên Hewlêr û Londonê dê bihêztir bidome.
Serokwezîr Nêçîrvan Barzanî jî spasiya gel û hikûmeta Brîtanya kiriye ku him alîkariyên serbazî daye Pêşmerge him jî di warê hewandina koçberan de alîkariyên mirovî şandiye Kurdistanê.
Nêçîrvan Barzanî behsa operasyona Mûsilê jî kiriye û diyar kiriye, tê çaverêkirin ku gelek kes ji ber şer û operasyonan ji Mûsilê koçberî Herêma Kurdistanê bibin lê ya girîng ew e ku divê welatên hevpeyman alîkariya Herêma Kurdistanê bikin da ku gelên herêma Nînowa razî û arxalîn bikin da ku vegerin ser mal û warê xwe.
Hat zanîn ku mijareke din a hevdîtina şanda Brîtanî û Serokwezîr Barzanî, peywendiyên Hewlêr û Bexdayê bûye.
Basnews
