Komela Îslamî ya Kurdistanê (Komel), Yekgirtûya Îslamî ya Kurdistanê (Yekgirtû) û Bizava Îslamî ya Kurdistanê (Bizûtnewe) girtina hevserok û parlamenterên HDPê şermezar kirin.

Firaksiyonên Komel, Yekgirtû û Bizûtnewe li Parlamentoya Kurdistanê, li ser girtina hevserok û parlamenterên HDPê ji aliyê dewleta Tirkiyê ve daxuyaniyek hevbeş dan.

Di daxuyaniyê de hatiye gotin ku girtina nûnerên gelê kurd li Kurdistana Bakûr, rewşê aloztir dike û xizmeta ti aliyekî jî nake.

Partiyên Îslamî yên Kurdistanê girtina siyasetmedarên Bakûr şermezar kirine û ragihandine, dewleta Tirkiyê li şûna diyalog û aşitiyê, berê xwe dide serkutkirin û jinavbirinê.

Wan partiyan daxwaz ji dewleta Tirkiyê kirin, pêvajoya aştiyê dîsa bide destpêkirin û hewla normalkirina rewşê bide.

Basnews