Du parlamanterên kurd ên Parlamentoya Îranê, girtina hevserok û parlamenter3en HDPê şermezar kirin û daxwaz kirin parlamenterên kurd serbest bên berdan.

Nûnerê bajarê Sine, Kamyaran û Dîwandereyê Seyîd Ehesen Elewî, bi daxuyaniyekî girtina parlamenterên HDPê weke guman û plengerî bi nav kir û got: “Ev yek jêbirina navê kurdan e li navendên siyasetê de û têkbirina siyaseta kurd e.”

Ehesen herwiha diyar kir, “Divê hikûmeta Enqerê tavilê parlamenterên kurd azad bike û daxwaza lêborînê ji civaka kurd li Tirkiyê bike.”

Herwiha parlamenterê Bokanê Qasim Osmanî derbarê girtina nûnerên kurd weke “binpêkirina mafên mirovan û li dijî exlaqê siyasî” binav kir.

Osmanî got: “Em li hêviyê ne ku hikûmeta Tirkiyê ji vê zêdetir mafê gelê kurd û mafên mirovan binpê neke da ku li welat aramî û aştî cîbicî bibe.”

Xelkê Rojhilatê Kurdistanê jî li ser torên civakî jî li dijî girtina parlamenterên HDPê nerazîbûneke mezin nîşanda û ev kiryar şermezar kir.

Rudaw