Welatiyên sunnî yên bajarê Bexdayê dibêjin, artêşa Iraqê û milîsên şîe bi hêceta terorê me dikujin.

Welatiyekî sunnî, ku xelkê gundekî Bexdayê ye û gundê wan nêzîkî Fellûcê ye, ji malpera iraqî ya “alaraby” re gotiye, di dema operasyona azadkirina bajarê Fellûce de çekdarên Heşda Şeibî êrişî malên me dikirin û xelkê gund dikuştin.

Wî welatiyê iraqî her wiha gotiye, her gava ku şerê hêzên Iraqê û çekdarên DAIŞê germ dibe çekdarên Heşda Şeibî êrişên xwe li ser malên sunniyan zêdetir dikin û bi hêceta ku endamên DAIŞê ne, dikujin.

Di heyama operasyona azadkirina Fellûcê de hinek vîdyo hatibûn belavkirin ku dihat dîtin milîsên şîe tiştên sosret tînin serê welatiyên sunnî, serê wan dibirrin û bi saxî dişewitînin.

Basnews