Fermandarekî hêzên Pêşmergeyên Kurdistanê li Kerkûkê amaje bi vê dike ku, sedemê êrîşa DAIŞê bo ser awahiya parêzgeha Kerkûkê, ew serkeftinên ku hêzên Pêşmergeyên Kurdistanê li dijî DAIŞê bi dest aniye ye.

Fermandarê hêzên Pêşmergeyên Kurdistanê yê eniya Kerkûkê Ebdula Bor ji BasNewsê re ragehand: ‘’Îro saet 05:00ê sibê em hatin agahdar kirin ku êrîş ser awahiya parêzgariya Kerkûkê hatiye kirin û em jî ketin rewşa amadebaşiyê , lê ji ber hebûna hêza asayîş û polîs, me hêza xwe nexist tevgerê.’’

Fermandarê Pêşmerge diyar kir, ew êrîşên DAIŞê bi serkeftina hêzên Pêşmergeyên Kurdistanê yên li hemû eniyan ve girêdayî ye û got: ‘’Sedemê dûyem jî bi awayekî veşartî di nav penaberên Hewîce de karîne bêne Kerkûkê .’’

Ebdula Bor daxwaz ji xelkê Kerkûkê kir, ji rewşê piştrast bin û bajêr arame û teqez kir: ‘’Kolan bi kolan, emê li dû DAIŞê bigerin û di çend saetên pêş me de hemûyan emê têkbibin.’’

Basnews