Sê hezar leşkerên xwebexiş ji xelkê Mûsilê dê beşdarî şerê azadkirina bajarê xwe bibin
Ew leşker niha bi tenê 12 km ji navenda bajarê Mûsilê dûrin û di kampa Başîk de ne û gefek mezinin li ser DAIŞê, lewma gelek caran bûne armanca DAIŞê, lêbelê hêza Tirkiyê ew parastine û hejmarek mezin ji çekdarên DAIŞê kuştine.
Tê pêşbînî kirin ku, plana şerê azadkirina bajarê Mûsilê, di dawiya vê mehê de destpêbike, leşkerên Amerîka, Iraq û çekdarên Heşda Şebî bi dûrbûna 55 km dûrî navenda Mûsilê li Geyara bicih bûne.
Li gorî plane, wê Pêşmerge piştevaniya hêzên Iraqî ku wê ji 4 aliyan ve pêşkevin bike, lêbelê yek ji wan hêzan jî ne cengawerên xelkê Mûsilê ne.
Pêşmergeyên Kurdistanê dê li cihê ku li ser destê wan hatine azadkirin bimînin û li çend xalên din jî wê pêşrewiyê bikin, lê yek Pêşmerge jî nêzîkî navenda bajarê Mûsilê nabe.
Basnews
