li Hewlêrê Serokwezîrê Kurdistanê pêşwaziya balyozê nû yê Kuwaitê yê li Bexdayê kir.

Duh Serokwezîrê Kurdistanê Nêçîrvan Barzanî pêşwaziya balyozê nû yê Kuwaitê yê li Îraqê û şandeke siyasî û dîplomatîkî ya Kuwaitê kir.

Di civînekê de, balyozê Kuwaitê ew pêşketinên li Kurdistanê di hemû waran de çêbûne bilind nirxandin. Rola xelk, hikûmet û pêşmergeyê Kurdistanê bilind nirxand ku karîne herêma Kurdistanê ji gefên terorîstan biparêzin û pêşwaziyê li hijmareke gelek zêde ya koçber û penaberên destê terorê bikin û bi başî xizmeta wan bikin.

Şandeya mêvan behsa têkeliyên dêrîn yên navbera her du gelên Kurdistan û Kuwaitê û zêdetir pêşxistina ewan têkeliyn kir û diyar kir ku dewleta Kwêt dixwaze baştirîn têkelî di hemû waran de digel Kurdistanê bebe û hêvîxwest ku piştî operasyona azad kirina Mûsilê dever bi awayekî giştî aram bibe û sektora tayebt ya Kuwaitê ber bi Kurdistanê bê û sermayeyê xwe di warên cuda de birazînin.

Nêçîrvan Barzanî hêvî xwest ku balyozê nû yê Kuwaitê li Îraqê di kar û xebatên xwe de serketî be û têkeliyên navbera Kwêt û Kurdistanê di hemû waran de zêdetir berfireh û xurt bibin û got ku têkeliyên bi Kuwaitê re ji bo Kurdistanbê giringin bi taybetî piştî serdana serokê Herêma Kurdistanê bo Kwêtê û cîvinên bi berpirêsn balayê wî welatî re.

Di warê êkonomî jî de, serokwezîr diyar kir ku hikûmetê Kurdistanê amadeye hemû piştevanî û hêsankariyan ji bo sermayedar û berhemînerên Kuwaitê bike ku sermayeyê xwe li Kurdistanê de di warên cuda de birazînin.