Li paytexta Tirkiyê Enqerê otomobîlekî bombebarkirî teqiya û kuştî û birîndar hene.
Li navçeya Haymana ya Enqerê, dema hêzên ewlekariyê dest bi operasyonê kirin, otomobîlekî bombebarkirî hate teqandin.

Waliyê Enqerê Ercan Topaca çû cihê bûyerê û ragihand, “Li ser îxbarê hêzên ewlekariyê li Haymanayê dest bi operasyonê kir. Di dema operasyonê de du xwekujan xwe teqand.”

Walî da zanîn ku yek ji xwekujan jin e û yê din jî kesekî bi navê Harun Arslan e û xelkê Bîngolê ye.

Li gorî gotina Ercan Topaca dibe ev kes endamên PKKê bin.

Derbarê hejmara kuştî û birîndaran de hê jî ti agahî nehatine stendin.

Rudaw