Mesrûr Barzanî pêşwaziya balyozê nû yê Kuwaitê yê li Îraqêkir.

Duh Şêwirmendê civata ewlekariya Kurdistanê Mesrûr Barzanî pêşwaziya balyozê nû yê Kuwaitê yê li Îraqê Salim Xesban Muhemed Elzemanan û şandeke pê re kir.

Di civînê de giftûgo derbarê pêşhatin siyasî û leşkerî yên li deverê bi giştî û herwiha ew bûyerên ku tê payîn biqewmin hate kirin.

Balyozê Kuwaitê behsa rola qehremanane ya hêzên pêşmerge di şerê dijî terorê û parastina tevahiya pêkhateyan bêyî ti cudatî kir û got: Em piştgîriya xwestek û xweziyên gelê Kurdistanê dikin û lazime civaka cîhanî jî di vê derbarê de berpirsiyartiyên zêdetir hilde ser xwe.

Li hember de jî Mesrûr Barzanî behsa beşdarî kirina hêzên pêşmerge di operasiyona azad kirina Mûsilê û herwiha pêdiviya proje û çareseriyeke nû bo tevahiya kêşeyên heyî yên li Îraqê kir û got: Lazime bingeha siyasî ya Îraqê bi awayekî nû were sazmandekirin ku li gel pir çandî, pêkhateyên etnîkî û olî yên li Îraqê de goncaw be daku li gel xwe û cîranên xwe de bi aştî bijîn.

Di dawiya hevdîtina han de behsa têkiliyên dîrokî yên di navbera her du aliyan de hate kirin û tekez li ser bihêztir kirin û berfiretir kirina têkiliyên han di her warî de hate kirin.