Duh li Hewlêrê ji aliyê balyozxaneya komara Çîn ve, merasîmek bo bîranîna damezrandina komara Çîn hate organîzekirin.

Di vê merasîma han de ku konsulusê komara Çîn yê li Îraqê û konsulusê vê welatî yê li Hewlêrê tê de amade bûn û merasîm organîze kiribûn, Şêwirmendê civata ewlekariya Kurdistanê Mesrûr Barzanî û hijmareke din ji rayedarên hikûmeta Kurdistanê beşdarbûn.

Di merasima han de her du konsulusên komara Çîn peyvek pêşkêş kirin û spasiya beşdarwanên merasîmê kir.

Pişt re jî çend peyam û gotar ji aliyê beşdarwanan ve hatin pêşkêşkirin û peyama hikûmeta Kurdistanê jî hate pêşkêşkirin.