Serokwezîrê Iraqê Heyder Ebadî got, heger hinardeya petrolê bi awayekî şefaf were kirin ew amadene ligel Herêma Kurdistanê danûstandinan bikin.

Serokwezîrê Iraqê Heyder Ebadî di civîneke çapemenî de ragihand pêwîst e Herêma Kurdistanê bi awayekî şefaf petrolê hinarde bike û wiha got: “Em dê ji bo hinardeya ptorlê şefar bibe hewl bidin.”

Heyder Ebadî daxwaza zelaliyê di pirsa şandina petrola bo derve û dahatên petrolê li Herêma Kurdistanê kir û got li gor wê petrola ji aliyê Herêma Kurdistanê bi rêya bendera cîhanê bo derve tê şandin, pere herêma ji budceya Iraqê dibe zêdetir %17 ji budceya giştî.

Derbarê serxwebûn û referandumê de jî Ebadî wiha got: “Ti niyeta Kurdistanê nîne ji Iraqê cida bibe. Ez dipirsim çima referandumê were kirin?”

Ebadî diyar kir ku Serokê Herêma Kurdistanê Mesûd Barzanî dê serdana Bexdayê bike û wiha domand: “Em dê mijara operasyona rizgarkirina Mûsilê û peywendiyên Bezda û Hewlêrê gotûbêj bikin.”

Derheqê dema destpêkirina operasyona rizgarkirina Mûsilê de jî Ebadî amaje kir ku dema hêzên ewlekariyê amade bibin operasyon dê dest pê bike û wiha pê de çû:

“Tirkiye dê beşdarî operasyona rizgarkirina Mûsilê nebe. Ez dixwazim Tirkiye hêza xwe ya li Iraqê vekişîne.”

Rudaw