Serok Barzanî pêşwaziya Konsolê nû yê Fransa li Hewlêrê kir
Li hevdîtinê de Konsolê nû yê Fransa li Hewlêr hevdîtina li gel Serok Barzanî û xizmetkirina wekî Konsol li Kurdistanê bi şerefekî mezin zanî û ji bilî balkişandina li ser peywendiyên dîrokiyên her dû aliyan tekez li ser dostayetiya gelê Fransa û gelê Kurdistanê kir. Her wiha pesnê giyanê hevxemî û hevkariya gelê Kurdistanê ya ji bo koçber û lêqewimiyan kir û amadehiya welatê xwe jî ragihand ku li qonaxa piştî Da'îş yarmetîderê Herêma Kurdistanê bê ji bo vegerandina koçberan û nehiştina asewarên şer û hilgirtina mîn li navçeyên azadkirî. Konsolê Fransa eve jî ragihand ku welatê wan piştevanê hêzê Pêşmergeyên Kurdistanê ye û li hevkariyên serbaziyan de berdewam dibê.
Li beranber da Serok Barzanî spasî Konsolê nû yê Fransa kir û hêviya serkeftinê ji bo wî xwest û tekez li wê yekê kir ku peywendiya di navbera gelê Kurdistanê kûr û dîrokiye û Kurdistan amadeye ji bo geşepêdana hemû aliyên peywendiyên aborî û kultûrî û siyasiyan û ji bo pêşxistina wan peywendiyan hîç seqfek hebûna xwe tûne.
Şerê dijî terorîstan û amadekariyên ji bo destpêkirina operasyona azadkirina Musilê mijareke dinê vê hevdîtinê bû.
