Li bajarê Hesekê “Heşda Şeibî ya Erebî ya Sûrî” bi daxuyaniyekê xwe damezrandina xwe radigihîne û gefê li PYDê dixwe.

Li gor daxuyaniyekê ku çapek jê gihêşt destê K24ê, tê de hatiye ku Heşda Şeibî ya Erebî ya Sûrî li bajarê Hesekê hatiye avakirin û dê şerê Partiya Yekîtiya Demokratîk (PYD) li herêma Cizîrê û bakurê Sûriyê bike.

Heşda Şeibî ya Erebî ya Sûrî PYDê tuhmetbar dike, ku pêkhateyên Ereb û Aşûrî ji deverê koçkirin dike û li şûnê Kurdan bicih dike. Herwiha li gor daxuyaniyê ewê rûbirûyî sîstema federalîzmê û Rêveberiya Xweser ya ku PYDê ragihandiye bin.

Herwiha her kesek li aliyê PYDê raweste jî, dê ji aliyê wan ve were armanckirin û daxwaz ji Erebên hevalbendên PYDê kir ku, ji wê partiyê veqetin, ji ber ku ewê dest bi revandin û kuştinê bikin.

Heşda Şeibî ya Erebî ya Sûrî di dawiya daxuyaniya xwe de daxwaz ji kesên sîvîl kir, ji rêbend û xalên PYDê bi dûr bikevin, ji ber ku ewên werin armanckirin.

k24