Hikûmeta Herêma Kurdistanê, li ser wan kirîzên Herêma Kurdistanê tê de derbas dibe, daxuyaniyekê diweşîne û hemû aliyên siyayên Herêma Kurdistanê yên beşdar di hikûmeta herêm û parlamentoya Kurdistanê de bo beşdarîkirin di civîneke berfireh de vedixûne ku, bi hev re pirs û kirîzên hene gotûbêj bikin û di berjewendiya xelkê Herêma Kurdistanê de çarseriya jê re peyda bikin.

Ev li jêr teksta daxuyaniya serokatiya civata wezîran:

Ev heyameke aliyên siyasiyên beşdar di hikûmeta herêm û parlamantoya Kurdistanê de, bi rêya kanalên ragehandinê dîtin, têbînî û hizir û bîrên xwe cuda-cuda li ser kirîzên Herêma Kurdistanê û çewaniya çareserkirina wan kirîzan û pirsa dahatinî û xerciyên hikûmetê berçav dikin.

Serokatiya civata wezîran bi başî dizane ji bo berçavkirina data û zaniyariyên rast û dirust di van waran de, hemû aliyên siyasiyên beşar di hikûmeta herêm û parlamentoya Kurdistanê de bo civîneke berfireh vexûne û li ser van pirsan û timama data û zaniyariyan û pêngavên hikûmetê yên ji bona çaksaziyê gotûbêj bikin û hemû bi hev re ji bo berjewendiya giştî kar ji bona serxistina bernameya rûbirûbûn û derbaskirina kirîzan bikin.

Serokatiya civata wezîrên Herêma Kurdistanê
17.09.2016