li destpêkê, em Cejna Qurbanê ji malbatên serbilindên şehîdan, birîndaran û Pêşmergehên egîd, evcar ji hemû musilmanên Kurdistanê, Îraq û cîhanê pîroz dikin û hêvîdarîn cejna bi dawî hatina teror û vegeryana aramî û asayiş û xweşiyê be.

Ev cejne di demekê daye ku Herêma Kurdistanê tevî yek ji dijwartirîn dujmnên azadiyê di şerekê dijwar daye û pêşmergehên egîdên Kurdistanê rojane bi can û xwîna xwe berevaniyê ji Kurdistanê dikin. Her wiha ji ber ceng û hin sedemên din, rewşeka dijwara darayî hembêza hikûmet û karmendên wê girtiye, ku tîgihiştin û xwe ragirtina wan di vê rewşa nexwastî de, cihê rêz û spasê ye.

Ji ber vê bîranînê, em hemûyan piştrast dikin ku Hikûmeta Herêma Kurdistanê ku mezintirîn xema wê jiyan û bijîvê welatiyan e, bi tevahî ji vê rewşê tê digihe û berdewam hewlan dide û hemû rê û kanalan bi kar tine ji bo bi lez çareser krina vê rewşa nexwastî.

Em hêvîdar in cejna pêşerojê li Kurdistaneka azad û dûr ji şer û pirsgirêk û qeyranan be û aramî û xweşî ji bo hemûyan bihê dabîn kirin û penaber û koçberêm destê terorê bi serbilindî ji bo ser mal û halên xwe vegerin.

Dubare Cejna Qurbanê ji hemû aliyekê pîroz be, bi hêviya cejn û bêhinvedaneka aram

Encumena Wezîrên Herêma Kurdistanê

2016-09-11