Nêçîrvan Barzanî Serokwezîrê Herêma Kurdistanê, êvariya roja duşem 05.09.2016 di peywendiyeka telefonî de, pîrozbahî li Emar Hekîm kir ku weke Serokê nû yê Hevpeymaniya Niştimaniyê hatiye hilibijartin.

Bi minasibeta hilbjartina Emar Hekîm weke serokê nû yê Hevpeymaniya Niştimaniya Îraqê, Serokwezîr bi rêya telefonê têkelî pê re kir, ji kar û xebatên wî re hêviya serketinê xwest û piştgiriya xwe jî jê re nîşan da.
Her du aliyan pêdagirî li ser zêdetir xurtkirina têkeliyan kirin, bi awayekê ku di berjewendiya gelên Îraqê de be.

Barzanî û Hekîm her wiha rewşa emnî, siyasî, dawîn pêşhatên şerê dijî terorê, qonaxa piştî nemana DAÎŞê li Îraqê û paşeroja têkeliyên navbera Herêma Kuridstan û Hikûmeta Îraqa Federal gotûbêj kirin.