Serokwezîrê Iraqê Heyder Ebadî ragihand, bajarê Mûsilê dê îsal were rizgarkirin.

Heyder Ebadî îro li Bexdayê di civînekê de axivî û got, artêşa Iraqê di şerê DAIŞê de serkeftinên girîng bidest xistiye û ruxmî germa û rewşa nebaş a hewayê, şerê DAIŞê kiriye.

Serokwezîrê Iraqê her wiha got, hêzên me ji bona xatirê gelê xwe û mirovahiyê şerê DAIŞê dikin û ti carî xwe nedane paş.

Heyde Ebadî behsa operasyona azadkirina Mûsilê jî kir û got, beriya ku ev sal xilas bibe bajarê Mûsilê dê were rizgarkirin.

Bajarê Mûsilê, meha Hezîrana sala 2014ê ji aliyê DAIŞê ve hat girtin û heta niha jî di destê wê rêxistinê de ye.

Basnews