Konsolê nû yê Amerîkayê li Hewlêrê Ken Gross ragihand ku bernameya wan ew e zêdetir nêzîkê gelê Kurdistanê bibin, ji ber vê yekê giring dibînin pêwendiyên wan li gel xelkê hebe.

Ken Gross ji Rûdawê re axivî û diyar kir ku weke nûnertiya Amerîkayê ew ê li gel hemû aliyên siyasî yên Herêma Kurdistanê di nava pêwendiyan de bin û got:

“Li gel hemû aliyan giftûgokirin erkê me yê sereke ye.”

Derbarê bernameya karên xwe de jî Gross wiha axivî:

“Ji bo zêdetir nêzîkê gelê Kurdistanê bibin, gelek bername û projeyên me yên nû hene. “

Konsolê Amerîkayê daxuyand ku ji bo nûnertiya Amerîkayê giring e pêwendiyên wan li gel xelkê hebe û ew dê ji bo nêzîkbûna gel jî karê taybet bikin.

Rudaw