Fermandarê Hêzên Parastina Gel (HPG) Murad Karayılan got: ”Hikûmeta Tirkiyê ji bilî şer tu rê li pêş me nehîştiye. 15’ê Tebaxê şerê vejîna gel e, ji vir û pêve dema rizgarkirin û ji nû ve avakirina Kurdistanê ye.”

Li baregehên PKKê pêngava destpêkirina şerê çekdarî ya PKKê bi merasîmekê hat pîrozkirin. Gelek yekîneyên gerîlla û yên akademiyan beşdarî merasîmê bûn. Fermandarê HPGê Murad Karayılan, bal kişand ser rewşa Abdulah Ocalan û da xuyakirin ku eger jiyana Ocalan di xeteriyê de be li Tirkiyê jiyana tu serkirdeyek ewle nabe.

Karayilan di berdewama axaftina xwe de bal kişand ser hêza kurdan û got: ”Divê kurd xwe bawer bin û baweriya xwe bi dewletên dagirker neyînin. Erdogan bi hemû dijwartiya xwe bi ser me de tê, ji ber vê em dê şer mezin bikin û bigihînin serkeftinê.”