Li herêma Idlibê ya Sûriyê, di nav kampeke hêzên opozîsyonê de teqînek qewimî, herî kêm 15 çekdar hatin kuştin gelek çekdar jî birîndar bûn.

Duh li devera Etmê li parêzgeha Idlibê ya Sûriyê, di nav otobûsekê de teqînek mezin qewimî.

Rewangeha Mafên Mirov a Sûriyê, ku navenda wê li Londonê ye û nêzîkî opozîsyona Sûriyê ye, ragihand, ew teqîn êrişeke xwekujî bûye û di nav otobûsa ku çekdarên opozîsyona Sûriyê vediguhest, qewimiye.

Li gorî agahiyên wê saziya Sûrî, di wê bûyerê de herî kêm 15 çekdar hatine kuştin û 25 çekdar jî birîndar bûne.

Li gorî medyaya Tirkiyê, beşek ji birîndaran bo bajarê Reyhanli yê Tirkiyê hatine veguhestin. Devera Etmê ya Idlibê li ser sînorê Sûriye û Tirkiyê ye.

Basnews