Topxaneyên Îranê çend gundên Başûrê Kurdistanê topbaran dikin.

Peyamnêrê Rûdawê li Sîdekan Bextiya Qadir ragihand topxaneyên Îranê bi topan êrişî herêma Sîdekan a li ser sînorê Herêma Kurdistanê dike.

Peyamnerê me da zanîn Îran gundên Bêrkime, Berbizîn û Berawyan ên li sînorê bajarokê Sîdekanê topbaran dike.

Hat zanîn ku hêzên Îranê bi hêceta ku pêşmergeyên Partiya Demokrata Kurdistanê li Îranê (PDK-Î) li herêma navborî hene, dide ber topan.

Welatiyên li herêmê ji gundên reviyana û çûne bajarokê Sîdekanê.

Piştî topbaranê agir pê bax û baxçeyên gundiyan ketiye.

Ji ber ku êriş hêj didome kes nikare here agir vemirine.

Herwiha peyamnerê Rûdawê Bextiya Qadir di dema rûmalkirina bûyerê de ji ling û çekên xwe ve birîndar bû.

Qadir ji bo dermankirinê rakirin nexweşxaneyê.

Rudaw