Partiya Demokrata Kurdistanê (PDK) li ser êrişa çekdarî ya bo ser Avahiya Encumena Serkirdatiya PDKê li bajarê Silêmaniyê ragihand, ku pêwîst e êrişkar werin girtin û li dadgehên werin dariznadin.

Şeva 5ê Tîrmeh a 2016 baregeha Encumena Serkirdatiya PDKê li bajarê Silêmaniyê rastî êrişeke çekdarî hat. Çend kesên nenaskirî bi totomobîlekê teqe li avahiya PDKê kirin û di encamê de pasevanekî baregehê birîndar bû û çend gule jî li otomobîleke wê baregehê ketin.

PDKê derbarê bûyerê de li ser navê berdevkekî xwe daxuyaniyek belav kir.

Di daxuyaniyê de tê gotin: “Bo çendemîn car e ku çend têkder bi dehfdana (teşwîqa) yên ji wan têkdertir teqe li baregeha Encumena Serkirdatiya partiya me li Silêmaniyê dikin. Wa ji haletê derdikeve û dibe diyarde (bûyerek asayî), her ji ber wê em hemû saziyên ewlehiyê yên bajarê silêmaniyê bo dîtine teqekeran û destên li pişt wan kesan bi berpirsyar dizanin.”

PDK di daxuyaniya xwe de herwiha dibêje: “Herwiha em hemû rêveberiya parêzgeha Silêmaniyê bo dabînkirina asayişê bo kadro , endam, alîgir û baregehên partiya me bi berpirs dizanin. Her core hincetek jî em wek xwe vedizîn ji berpirsatiyê dibînin û pêwîst e biker û ewên ku li piştî wan bûyeran in, bên dadgehîkirin.”

Berpirsê Encumena Serkirdatiya PDKê li Silêmaniyê Edhem Barzanî pêştir ji Rûdawê re dabû xuyakirin: “Ew 30mîn car e ku li sînorê Silêmaniyê teqe li baregeha PDKê tê kirin û berpirsên ewlehî û siyasî yên parêzgehê jî li hember çêbûna her bûyereke wisa berpirsyar in.”