Li Hesekê dîsa di navbera Asayiş û milîsên Sûriyê de şer derket
Peyamnêrê K24 TV ragihand, îro danê sibê li taxa Isam Bexdî ya bajarê Hesekê, di navbera hêzên Asayişê û çekdarên rêjîma Sûriyê de şer derket.
Peyamnêrê televîzyona K24 da zanîn ku di wî şerî de 2 endamên Asayişê û 2 welatiyên sivîl birîndar bûne. Tê gotin ku heta niha jî şer didome.
Duh jî li bajarê Hesekê, di navbera hêzên Asayişê û çekdarên rêjîma Sûriyê de şer derketibû, di wî şerî de jî 3 kes birîndar bibûn.
Heta niha nayê zanîn sebeba şerê hêzên Asayişa Hesekê û çekdarên rêjîma Sûriyê çi bûye.
Ruxmî ku piraniya bajarê Hesekê di destê hêzên kurdî de ye lê heta niha jî komek çekdar û milîsên rêjîma Beşar Esed li wir mane.
Basnews
