Deriyê sînorî yê Pêşxabûr- Sêmalka, ku di navbera Rojava û Başûr de ye, vebû û hinartina bar û pêdiviyên jiyanê Bo Kurdistana Rojava dest pê kir.

Rêveberê deriyê sînorî yê Pêşxabûr-Sêmalka, Şewket Berbiharî ji BasNewsê re got, piştî ku hikûmeta Kurdistanê biryara vekirina deriyê Sêmalka da, derî îro vebû û dest bi hinartina kelûmel û pêdiviyên jiyanê bo Rojava hat kirin.

Şewket Berbiharî da zanîn ku gurmik ji wan bazirgan û kesên ku tiştan dibin Rojava, nayê standin û got, divê li aliyê Rojava jî gumrik neyê standin da ku nirxa tiştan giran nebe û welatî ziyanê nebînin.

Basnews