Piştî ku hatin revandin ji aliyê çekdarên rêxistina tund a DAIŞê ve, her du keçên Êzdî li bajarokê Fellûceyê ku dikeve ser parêzgeha Enbarê hatin rizgar kirin.

Li gor beyanameyeke rêveberiya istixbarata leşkerî, ew du keçên Êzdî di operasyoneke leşkerî de, bi hemahengiya firqeya bejayî ya heştem a artêşa Iraqê û çekdarên eşîretên herêmê, li ji destên çekdarên DAIŞê hatin rizgar kirin.

Rêveberiya istixbarata leşkerî ya Iraqê ragehand, ew du keça çîroka zalimane ya çekdarên DAIŞê vegotine, ku hemû bingehên mirovî û Îslamî binpê kirine.

Wan her du keçan ji saziya istixbarata Iraqê re ragehandine, çekdarên DAIŞê bi tundî li gel wan danûstandin pêkanîne û li bazara kirîn û firotinê ya ‘’Sebaya’’ bazara wan kirine.

Basnews