Roja yekşem 15.05.2016 li Selahedîn birêz Mesûd Barzanî Serokê Herêma Kurdistanê pêşwaziya Ayetulla Dr Seyîd Mehmud Elewî Wezîrî Hewalgiriya(Îstixbarat) Komara Îslamî ya Îranê û Endamê Encûmena Şarezayên Rehberî û şandekî li gel kir ku ji hejmarek şêwirmendên Wezaretê pêkhatibûn.

Li hevdîtinê de ku rêzdar Mesrûr Barzanî Şêwirmendê Encûmena Asayîşa Herêma Kurdistanê û Fuad Husên Serokê Dîwana Serokayetiya Herêma Kurdistanê amade bûn, Wezîrê Hewalgiriya Îranê xweşhaliya xwe bi vê hevdîtinê ragihand û ji bo rexsandina derfeta hevdîtinê spasî Serok Barzanî kir. Paşê nêrîna welatê xwe ya di derbarê rewşa siyasî ya Iraq û navçeyê xisterû û tekez kir ku Komara Îslamî ya Îranê li piştevanîkirina Herêma Kurdistanê de berdewam dibê. Daxwaz ji Serok Barzanî kir ku pêşbînî û nêrîna xwe ya di derbarê rûdan û pêşhatên dawî ya navçeyê bixe rû.

Serok Barzanî ji bilî bi xêrhatina şanda mîhvanan, bi kurtî li ser rewşa meydanî ya bereyên şerê li gel terorîstan û rewşa siyasî ya Iraqê ji bo şanda mîhvan xisterû û tekez li wê yekê kir ku şerê Da'îş pêwîstî bi hemahengî û hevkariya ciddî ya civaka navdewletî heye û ji bo bi tevahî têkşikandina Da'îş tenê rûbirûbûna serbazî ne bese belku pêwîste li ruyê fikrî û aborî û siyasî ve jî Da'îş û hizra tundrewiyê bê têkşikandin.

Her li vê hevdîtinê de behsa amadekariyên azadkirina Musil û peywendiyên di navbera Bexda û Herêma Kurdistanê hate kirin û di derbarê pêşhatên siyasiyên dawî ya navçeyê de danustandina bîr û ramanan kirin.