Li bajarê Amedê yê Bakurê Kurdistanê teqînek çêbû. Teqînê ekîpeke hêzên polîs kire armanc û li gor daxuyaniya Walîtiya Amedê di encama teqînê de 3 kes hatin kuştin û 45 kes jî birîndar bûn.

Li gor zanyariyên, teqîn di saet 16:30an de û li navçeya Baglar û li Bulvara Dîcleyê qewimiye.

Hat zanîn, êriş li dijî tîmên polîsan pêk hatiye.

Piştî teqînê hejmareke zêde ya ambulansan bo cihê bûyerê hatine birêkirin.

Walîtiya Amedê derbarê teqînê de daxuyaniyek d aû têde ragihand, di encama teqînê de 3 kes hatin kuştin û 45 kes jî birîndar bûn, ku 12 ji wan ji hêzên polîs in.

Tîmên hawarçûnê jî li cihê teqînê amade bûn û kesên birîndar rakirin nexweşxaneyan.

Hat zanîn, ku kesên birîndar bo Nexweşxaneya Rahênan û Lêkolînê ya Zanîngeha Dîcle, Nexweşxaneya Selahattin Eyubi û Nexweşxaneya Leşkerî hatine veguhastin.

Ji ber bihêziya teqînê zirarek mezin gihîştiye gelek avahî û bînayê nêzîk cihê ku teqîn lê qewimiye.

Rudaw