Roja sêşem 03.05.2016 li Selahedîn birêz Mesûd Barzanî Serokê Herêma Kurdistanê pêşwaziya Profesor Zulkefil Ebdulrezaq Serokê Yekîtiya Zanîngehên Cîhanê kir ku saziyeke cîhanî ya ser bi rêxistina UNESCO ye û sed û bîst welat têda endamin.

Li hevdîtinê de Serokê Yekîtiya Zanîngehên Cîhanê xweşhaliya xwe ji bo serdana Kurdistanê û hevdîtina li gel Serok Barzanî derbirî û her wiha pesna pêşketin û aramiya Herêma Kurdistanê kir û ji bilî hebûna şer û tehdidên li ber Herêma Kurdistanê ji bo dabînkirina aramiya xelkê Kurdistanê destxweşiyê li Serok Barzanî kir. Li beşekî dinê axaftina xwe de Serokê Yekîtiya Zanîngehên Cîhanê, Serok Barzanî ji hengav û çalakiyên yekîtiyê agahdar kir û ragihand ku Yekîtiya Zanîngehên Cîhanê palpiştê xelkê Kurdistane û biryare jî Herêma Kurdistanê bibê endamekî wê Yekîtiyê.

Li beranber da Serok Barzanî bi xêrhatina Serokê Yekîtiya Zanîngehên Cîhanê kir û destxweşî û pêzanînên xwe ji bo kar û çalakiyên wan hebû û her wiha pêşwaziyê li biryara bi endambûna Herêma Kurdistanê li Yekîtiya Zanîngehên Cîhanê kir û hêviya serkeftinê ji bo wan xwest.