Berpirsê Bereya Rojavayên Kerkûkê yê Pêşmergeyên Kurdistanê Dr. Kemal Kerkûkî ragehand ku, Hêzên Hevpeymaniya Navdewletî li deverên Kurdistanî dervî îdareya Herêma Kurdistanê naxwazin hevkariyê ligel Heşda Şeibî bikin û nedixwestin ku jibo rizgar kirina gundê Beşîr hemahingî ligel Heşda Şeibî were kirin.

Dr. Kemal Kerkûkî ji BasNews re ragehand: “Hêzên Hevpeymaniya Navdeletî hevkariyê ligel Heşda Şeibî nakin li nav sînorên deverênKurdistanî dervî îdareya Herêma Kurdsitanê, Heşda Şeibî û Artêşa Iraqê xwe gelek caran taqî kirin û nikarîbûn tiştekî bikin û ziyanekî mezin jî gihşte wan, dawî car Serokê Herêma Kurdistanê Mesûd Barzanî ligel Hêzên Hevpeymanê rêkeft û gihande wan ku gereke gundê Beşîr were rizgar kirin, wan jî bawerî pê anîn û hemahingî ligel Pêşmergeyên Kurdistanê û Beşîr rizgar kirin.”

Berpirsê Bereya Rojavayê Kerkûkê ji BasNews re eşkere kir: “Hîna çekdarên DAIŞê li ser Iraq û navçeyê metirsîne, lêbelê bi sedema hêz û tektîka Hêzên Pêşmergeyên Kurdistanê karîbûn di demek kin de gundê Beşîr rizgar bikin.”

Basnews