Gerinendeyê Enstîtûya Lêkolînên Mafên Însanî ya Zanîngeha Columbiayê David L. Philips li Washîngtonê di konferansa ‘Bi Xweseriya Demokratîk û bi Xweseriya Cevherî re Em bi Hev re Bijîn' de ragihand ku referanduma Herêma Kurdistanê wê bi serxwebûna kurdan encam bide. Lewra li Iraqê şertên jiyana bi hev re gelekî qels bûne.

David L. Philips di berdewamiya axaftina xwe de bal kişand li ser referanduma Herêma Kurdistanê û wiha got: “Pêşniyara referandumê ya Serokê Herêma Kurdistanê Mesûd Barzanî rêya serxwebûnê ji kurdan re vekir. Piştî referandumê bi salekê rêvebiriya Herêma Kurdistanê wê dest bi hevdîtinên ji veqetandina Bexdayê bikin û tu kes nikare xwe ji ber van encaman bide alî. Lewma şert û mercên kurdan ên bi Bexdayê re gelekî qels bûne.”

Konferansa ku bi hevkariya Partiya Demokratîk a Gelan (HDP) ya nûneriya Amerîkayê û Navenda Lêkolînên Polîtîkaya Kurdan li Washîngtonê hat lidarxistin ji xeyrî Hevserokê HDP’ê Selahatin Demirtaş gelek siyasetmedar û mêvan beşdar bûn.

Rudaw