Lijneya bilind a fetvaya Kurdistanê, fetvayek di derbarê destdirêjiya ser mal û milkên olên cuda hate derxistin.

Rêveberê peyvendî û pêkvejiyana olî li wezareta Ewqaf û karûbarên olî yê Herêma Kurdistanên Merîwan Neqişbendî ji BasNewsê re ragehand, ‘’Lijneya bilind a Fetvaya Kurdistanê, fetvayek derxistiye, ku destdanîna ser erd û cîhên her olekî Îslam, Mesîhî, cihû, Êzdî, Kakeyî û her ol û pêkhateyeke din ê herame û Îslam vê razî ango qebûl nake, milk û cîhên olî û civakî yên olên din nabe bê dagir kirin, yan jî dest li ser bê danîn.’’

Li gor ragehandina Merîwan Neqişbendî, ev fetvaya lijneya bilind a fetvaya Kurdistanê ‘’cîhê destxweşiyê ye, di demekî pir guncaw de û dibe sedemê bêhtir kûrbuna aştiya civakî û pêkvejiyana olî li Kurdistanê.’’

Bi hezaran sale li Kurdistanê olên Îslam, Mesîhî, Cihû, Kakeyî, Êzdî û gelek ol û netewên cuda li Kurdistanê pêkve dijîn, ku ev yek ji bexteweriyên herî mezin ên gelê Kurdistanê ye, ku di hemû Herêmê de şerên olî û netewên cuda tê jiyan kirin. Lê li Kurdistanên bi aştiyê li gel yek jiyan dikin.

Basnews