Salih Mûslim: Em naxwazin Sûriyê dabeş bikin
Îro 21.04.2016ê Hevserokê PYDê Salih Mûslim di kongreyekî rojnamevanî de li paytexta Rusyayê Moskovê ragehand, grubên terorîstî pir zêde ne û tenê navê wan cuda ye û diyar kir: ‘’Pêwîste temamî rêxistinên terorîstî bên têkbirin.’’
Salih Mûslim di derbarê rizgarkirina bajarê Reqayê ya Sûriyê de jî got:’’Ew erkê hêzên Ereb e.’’
Hevserokê PYDê di derbarê Tirkiyê û Erebistana Siûdî de jî got, li gel wan pêşeroja Sûriyê pir ne giringe û diyar kir: ‘’Ew bi rêya partiyên ku bi wan ve girêdayîne ve, dixwazin partiya Baas têkbibin û bixwe bên ser hikmê Sûriyê. ‘’
Roja çarşemê 20.04.2016 ji ber hewldanên rejîma Sûriyê yên ku xwestin li Qamişlo 2 polîsê hatûçuyê bigrin, asayîşa rojava û milîsên ser bi rejîma Sûriyê hatin hember hev û 8 çekdarên rejîmê hatin kuştin û du karmendên asayîşê jî şehîd ketin.
Di demekî ku asayîşa Kurdistana rojava û milîsên berevaniya niştîmanî yên ser bi rejîma Sûriyê di şer de û îro jî ew şer û pevçûn berdewam dikirin de, Salih Mûslim di kongreya xwe ya rojnamevanî de ragehand; ‘’Saziyên hikûmeta Sûriyê di xizmeta rûniştvanên Qamişloyê de ne.’’
Basnews
