Serok Barzanî pêşwaziya Parêzgerê Diyarbekir û şandekî li gel kir
Li hevdîtinê de Parêzgerê Diyarbekirê ji bo rexsandina hevdîtinê spasî Serok Barzanî kir û silavên Serok Wezîrê Tirkiye gihande Serok Barzanî û behsa vekirina hêla asmanî ya di navbera Hewlêr û Diyarbekirê kir û bi hengavekî girîng ya kûrtirkirina peywendiyan û karê hevbeşa aborî û warên dinê li navbera her dû aliyan de da zanîn.
Li beşekî dinê hevdîtinê de şanda mîhvan behsa rewşa bajarê Diyarbekirê kir û nîgeraniya xwe ya li girjî û aloziyên vê dawiyê nîşan da û tekez li ser pêwîstiya aramî û vegerana hemwelatiyan ya jiyana sirûştî û avadankirina navçeyên wan kir.
Li beranber da Serok Barzanî ji bilî bi xêrhatina şanda mîhvanan spasî Serok Wezîrê Tirkiyê kir û her wiha xweşhaliya xwe jî ji bo vekirina hêla asmanî ya raste rast ya li navbera Hewlêr û Diyarbekir de nîşanda. Li axaftina xwe de bi kurtî behsa rewşa siyasiya navçeyê û doza rewaya Kurd kir û balkişand li ser wê yekê ku gelê Kurdistanê li xebata çekdarî û qonaxên dinê bi navê parastina jiyana xelkê sîvîl û saziyên sivîl û medenî ve pabend buye. Serok Barzanî ji bilî derbirîna nîgeraniya xwe ya li girjî û aloziyên Kurdistana Tirkiye wê yekê dûpat kir ku deh sal çaverêkirina aştiyê gelek baştire ji yek demjimêr şer û hêvî jî xwest ku aramî û bextewerî vegere li ser hemwelatiyan û dawiya van girjî û kêşeyan bê.
