Şandek bilind ya hikûmeta herêma Kurdistanê îro berbi Amerîka bi rêket, bi armanca bi dest xistina piştevanîya serbazîya zêdetir bo hêzên pêşmerge.

Li gorî zanyarîyên War, îro şandekê hikûmeta herêma Kurdistanê bi serokatîya Qubad Talebanî cîgirê serokê wezîran û endametîya Kerîm Şingarî wezîrê navxwe û Felah Mistefa berpirsê peywendîyên derve, berbi Amerîka bi rêket û biryare çend kombûnên giring li wî welatî saz bikin.

Armanc ji serdanê, gotubêj kirina alîkarî û piştevanîya zêdetir ya Amerîka bo herêma Kurdistanê û hêzên pêşmerge.

Şandê herêmê, herwesa dê dawî pêşhatên şerê Daişê û paşeroja Îraqê û rewşa deverê bi giştî digel berpirsên Amerîka şîrove bikin.

Di serdana roja înê ya borî ya şandê herêmê da bo Bexda, Nêçîrvan Barzanî serokê wezîran digel Con Kêrî wezîrê derve yê Amerîka kombibû û Con Kêrî berdewamîya piştevanîya Amerîka bo herêma Kurdistanê dupat kiribû.

War.tv