PDK û YNKê li ser 5 madeyan lihev kirin
Civîna du alî ya navbera PDK û YNKê derbarê aloziyên vê dawiyê li Başûrê Kurdistanê û Iraqê de îro li Hewlêrê dest pê kiribû, bidawî hat û piştî civînê daxuayniyek hat dayîn.
Hat ragihandin derbarê guhertinên kabineya hikûmeta Iraqê de herdu YNK û PDKê li ser madeyan lihev kirin.
Li gor daxuyaniya herdu aliyan li ser van madeyan lihev kirin.
1-Pirsgirêkên navbera Herêma Kurdistanê û Hikûmeta Federal Iraqê de kûrtir bûne. Ji ber vê yekê tenê bi van guhertinan pirsgirêk nayên çareserkirin.
2-Pêwîst e bê diyarkirin şirîkitiya gelê Kurdistanê bi Iraqa federal ve maye an na? Li gor herdû partiyan şirîkitiya gelê kurd hatiye binpêkirin.
3-Çi guhertinên li dezgehên Iraqê tê kirin divê pişka Kurdan bê parastin û mafê îdariya siyasî ya Kurdistanê heye ku derbarê vê yekê nûnerên xwe diyar bikin.
4-Herdû partî amaje dikin ku divê pişka tevahiya aliyên Kurd bê parastin.
5-Herdû alî dizanin girîng e ku şandeke bilind bo gotûbêjkirina pirsgirêkan biçe Bexdayê.
Rudaw
