Endamê ENKS’ê di Şanda Opozisyona Sûriyê li Cinvere Fûad Elîko ji malper Orient re ragihand: “Endamên ENKS'ê beşdariya xwe di Şanda Opozisyonê de rawestandine, bi sedema ku Serokê Şanda Opozisyonê Esed Zubî çend daxuyaniyên tund û şofonî li dijî gelê kurd û Pêşmerge dane û sivikayî bi gelê kurd kiriye.”

Elîko got: “ENKSê daxwaz kiriye ku Esed Zubî ji posta xwe were dûr xistin û lêborîn bi fermî ji gelê kurd were xwestin.”

Elîko herwiha got ku Desteya Bilind a Danûstendina di çend rojên bê de wê li paytexta Erebistana Siûdî wê çend civînan bike ji bo hilbijartina kesekî din ji dêvla Esed Zubî bo serokatiya şanda Opozisyonê.

Serokê Şanda Opozîsyona Sûriyê di danûstandinên Cenevrê de Esad Zuibî axavtinên kirêt gotibûn kurdan û gelelk sivikatî bi kurdên Rojava û Hêzên Pêşmerge yên herema Kurdistanê kiribû.

basnews